Նիդերլանդների Արտաքին գործերի նախարարություն
Նիդերլանդների արտաքին գործերի նախարարությունը ակտիվորեն աշխատում է երկրի շահերն ու արժեքները աշխարհում առաջ մղելու ուղղությամբ: Մոտ 150 երկրներում իր ներկայացուցչություններով և այլ երկրների հետ համագործակցությամբ նախարարությունն աշխատում է գլոբալ մարտահրավերների լուծման վրա՝ ապահովելով բարեկեցություն և արդարություն, անվտանգություն և կայունություն, ինչպես նաև արդարադատություն և ազատություն:
Նիդերլանդների Բազմակուսակցական Ժողովրդավարության Ինստիտուտ
Նիդերլանդների բազմակուսակցական ժողովրդավարության Ինստիտուտը (NIMD) միջազգային կազմակերպություն է, որը նպաստում է խաղաղ, ներառական և ժողովրդավարական քաղաքական համակարգերի զարգացմանը: Հիմնադրվելով 2000 թվականին՝ NIMD-ը կենտրոնանում է քաղաքական կուսակցությունների միջև երկխոսության և համագործակցության խթանման վրա՝ ժողովրդավարական ինստիտուտները հզորացնելու նպատակով: Կազմակերպությունը աջակցում է քաղաքական դերակատարների կարողությունների զարգացմանն՝ առաջարկելով վերապատրաստումներ և նպաստելով ներառական քաղաքականությունների մշակմանը: NIMD-ը գործում է ավելի քան 20 երկրում, հատկապես փխրուն ժողովրդավարություններում և հակամարտությունից հետո վերականգնվող հասարակություններում՝ շեշտելով հանդուրժողականությունը, հավասարությունը և համագործակցությունը՝ կառավարման և քաղաքական մասնակցության բարելավման համար:
ՕքսԵՋեն հիմնադրամ
ՕքսԵՋենը շահերի պաշտպանության և զարգացման հիմնադրամ է, որն առաջնորդվում է աղքատությունից և տառապանքից զերծ Հայաստանի իր տեսլականով, որտեղ կանայք և տղամարդիկ կարող են իրացնել իրենց իրավունքները և մասնակցել իրենց կյանքի վրա ազդող որոշումների կայացման գործընթացներում:
ՕքսԵՋենը հիմնադրվել է Օքսֆամ Մեծ Բրիտանիա միջազգային կազմակերպության կողմից 2015 թ-ին, որպես տեղական կազմակերպություն և ռազմավարական նպատակներն իրագործելու ընթացքում հիմնվում է Օքսֆամի հայաստանյան գրասենյակի (Հայաստանում գործունեություն է իրականցրել 1994թ.-ից) ավելի քան 24 տարիների փորձառության վրա: